O PP de Pol pide ao Goberno local que solicite as axudas vinculadas ás concentracións
plosa2O PP de Pol pide ao goberno local que pida as axudas da Xunta de Galicia para arranxar camiños de concentracións a través do Plan de rehabilitación de camiños de zonas de concentración ou restauración parcelaria 2023-2024 de mellora de camiños municipais de zonas de concentración ou reestruturación parcelaria rematadas.
A voceira popular, Nicole Grueira, explica que o Concello de Pol ten opción de solicitar unha achega de 162.875,36€ do goberno autonómico “fundamental para arranxar estes camiños que dan servizo a tantos veciños”.
Nicole Grueira explica que nesta nova liña de axudas vese reflectido “o compromiso real e efectivo” do goberno autonómico cos municipios rurais de Galicia, polo que “instamos ao goberno local a que solicite este diñeiro para arranxar aqueles camiños de concentración que se atopan en mal estado”.
Para a voceira popular este tipo de liñas de axudas da Xunta de Galicia “xogan un papel fundamental” para municipios como o de Pol xa que “grazas a estes investimentos a mellora de infraestruturas e servizos son unha realidade”, unha axuda que se pode sumar á achega recente da Xunta de 140.000€ para o arranxo do pavillón en Mosteiro.
AUSENCIA DE ORZAMENTOS PARA POL
Por outra banda, dende o PP de Pol instan a que o goberno local elabore os orzamentos para este ano como marca a lei. “A ausencia de presupostos 2024 é unha anomalía que dificulta que Pol avance, ademais de ser unha mostra máis da incapacidade de xestionar do goberno local”, denunciou.