Merca nas Pontes repartirá 3.100 euros en premios este Nadal
plosa2A Asociación de Comerciantes, Hostaleiros e Empresarios das Pontes (Cohempo) anima o consumo do Nadal cunha nova iniciativa na que se reparten oito premios por un total de 3.100 euros, sete de 300 euros e 1 de mil euros.
Segundo as bases desta campaña, quen compre en calquera dos 42 comercios de distintos sectores que participan nesta iniciativa, entre o 5 de decembro e o 6 de xaneiro, recibirán vales para os sorteos previstos para o día 14 (2 de 300 euros cada un), o 21 (2 de 300 euros), 28 (2 de 300) e o 11 de xaneiro (un de 300 e o de 1.000).
Os premios consisten en vales para gastar no comercio local e os gañadores terán de prazo ata o 31 de xaneiro para realizar as súas compras nos negocios adheridos, que contemplan diversos sectores, como téxtil, calzado, óptica, xoiería, librería, farmacia, confeitería, xoguetería, salón de peiteado ou electricidade.