Castro de Rei contará coa representación de 'As fames contadas' no 25N
plosa2Con motivo do 25N, a colaboración do Concello de Castro de Rei e a Asociación Si Hai Saída trae a Castro de Rei a obra de teatro As fames contadas.
Será no centro sociocultural Xosé Manuel Carballo este sábado, 25 de novembro, ás 19.00 horas. O acto será presentado polo alcalde Francisco Javier Balado Teijeiro e contará coa intervención de Marta Rodríguez Engroba, da Asociación Sí Hai Saída.
As fames contadas é un espectáculo de narración oral, composto por unha selección variada de contos propios e de tradición oral. O tema central é a fame, incluíndo non só a fame de comer senón outro tipo de fames que tamén temos os seres humanos. Comeza en torno á comida que se fai nunha casa para celebrar a festa. O feito de xuntarse á mesa provoca que se conten historias e sempre unhas van levando a outras. Así van saíndo as fames: de comer, de cariño, de aprender, de cartos… fames que dunha maneira ou outra temos que saciar.
Toca a temática da emigración e a violencia de xénero.
